Axel & Thalia 28

Thalia's POV

ILANG araw na akong nagkukulong sa kuwarto at iniiwasan ang lahat. Laging si Dianne ang kasama ko. Siya lang naman ang nakakaintindi sa akin ngayon.

Papa and mama urged me to cooperate with the policemen. Sa maikling panahon, nalaman nila kung sino ang pasimuno sa pandurukot sa akin. Natunton nila ang bahay na bato na pinagdalhan sa akin ni Axel. And they even found Danica and Axel's father.

Sa loob nang tatlong araw mula nang makabalik ako, nanatiling tikom ang bibig ko. Nalilito ako sa totoong nangyayari. Hindi ko alam kung sino ang totoong kalaban at sinong hindi.

Marahan na hinawakan ni Dianne ang kamay ko at ngumiti. "Would you like me to get you something to eat? Kaunti lang ang nakain mo kaninang tanghali."

Umiling ako sa kaniya. "Wala akong gana."

Bumuntonghininga si Dianne. Bakas ang pag-aalala sa mukha niya. "Kambal, bakit hindi mo sabihin kina Mama at Daddy ang totoo? Bakit itinatago mo ang nangyari sa iyo?"

"Nalilito ako." Mabilis kong pinahid ang luhang nagl