Axel & Thalia 35

Thalia's POV

"Thalia!"

Napaatras ako nang marinig ang gulat na boses ni Manang Celia. Kalalabas lang nito sa kuwarto at nahihintakutan pang nakatingin sa amin.

"Anong ginagawa mo sa labas?" Lumapit siya sa akin. Pilit akong hinihila pabalik sa kuwarto. "Dalian mo! Pumasok ka na sa silid!"

Hindi ko alam kung anong gagawin ko. Nakatingin ako sa gawi ng lalaki at gusto pang kausapin ito, pero natatakot din ako na baka palayasin ako ni Manang Celia kapag nagmatigas ako.

"Ano pa bang ginagawa mo? Pumasok ka na!"

"O-opo, manang!" Mabilis akong lumapit sa pinto pero hindi ako agad pumasok.

Nilingon ko uli ang lalaking nakaupo sa wheelchair. Hindi ko talaga magawang maaninag ang mukha niya kahit anong pilit ko.

"Thalia, pasok na!"

Tuluyan kong binuksan ang pintuan at pumasok sa kuwarto. Buong oras na nakaupo ako sa dulo ng kama, iniisip ko ang lalaking nakita kanina.

Paano kung siya si Axel? I might be imagining things, pero kahit ang kapiranggot na pag-asa, kakapitan ko.

"Please, oh, God! P