Chapter 18

NAKATUON ang buong atensiyon ko kay Thalia, pero ramdam na ramdam ko ang mga titig ni Dylan habang abala ang lahat sa pag-aalmusal.

"Hon, gusto mo bang kumain mamaya sa labas?"

Napatingin ako kay Dayana dahil sa sinabi niya. Naabutan ko pa siyang nakatingin sa akin bago mabilis na binaling kay Dylan ang atensiyon.

"Why?" Nabahiran ng pagtataka ang mukha ni Dylan. Ibinaba nito ang tasa ng kape at bumaling sa asawa.

"Ah, wala lang. Matagal na kasi tayong hindi nagdi-dinner sa labas. Baka lang gusto mo."

Ibinalik ni Dylan ang atensiyon sa kinakain, pero natigilan ako nang maramdaman ang isang paa niya, hinihimas na ngayon ang binti ko.

Hindi ko talaga alam kung paano nagagawa ng lalaking ito ang makipag-usap sa asawa niya habang nakikipaglandian sa akin sa ilalim ng mesa. Siguro dahil ugali na niya talaga ito!

"Maybe some other time? Medyo busy ako sa work ngayon."

Halatang nadismaya si Dayana sa nakuha nitong sagot. Hindi ako ipokrita kaya aaminin kong natuwa ako sa nangyayari. She dese