Chapter 21

"Mama, gusto ko rin ng donut." Malungkot na nakatingala sa akin si Thalia habang nakaupo ito sa dulo ng kama.

Agad kong naramdaman ang pagkirot ng puso ko. Napatingin ako kay Osang, malungkot din at naaawa ang mga mata nito habang nakatingin sa amin.

"I'll buy you a donut, baby. Kapag nagkatrabaho ulit si Mama, bibilhan kita ng isang box ng donut!"

Umaliwalas agad ang mukha niya sa narinig. "Really, mama? Bibilhan mo talaga ako ng donut?"

"Oo naman, anak! Anong flavor ba ang gusto mo?"

"Iyong chocolate na may maraming nuts!"

Malapad akong ngumiti bago siya niyakap nang mahigpit. "Ang sarap naman no'n! Parang gusto ko na rin kumain ng donut!"

Hindi na kami bumaba para mag-dinner pagkatapos no'n. Lumabas lang ako sandali ng mansion at bumili ng makakain. Sa loob na kami ng kuwarto nag-dinner.

"Ma'am Tanya, bakit hindi kayo bumaba para kumain? Magagalit si Sir nyan."

"Ayoko. Baka isipin ni Dayana, hindi kami makakakain kung wala sila. Tawagin pa kaming palamunin."

Alas-dyes na ng gabi no