Chapter 27

HINDI mawala ang ngiti sa mga labi ko habang inaalala ang mga nangyari noong gabing hindi kami umuwi ni Tanya.

Ibang-iba siya noong gabing iyon. She was wild and tempting. Para akong inaakit ng paraiso patungo sa makasalanang lugar ng impyerno.

But I was more than happy to serve her—to please her. Kahit magpakalunod pa ako sa kumukulong kumunoy ng pagkakasala, nakahanda akong gawin uli. Makasama lang siya at muling madama ang init ng halik at mga haplos niya.

"Nakakatakot na talaga ang panahon ngayon. Naglipana na ang drugs. Tingnan mo naman, hon! May nahuli na namang drug lord ang mga pulis."

Napatingin ako sa malaking flat-screen TV kung saan nagbabalita ang isang kilalang news anchor. Nakatuon doon ang mga mata ko pero ang isip ko, nakay Tanya pa rin.

"At may pinaghihinalaan pa silang drug dealer—isang pari! Can you believe it, hon? A priest? Na dapat sana, alagad ng Diyos, pero isa palang alagad ng kasamaan! My God!"

"Good morning!"

Natigilan kami ni Dayana nang pumasok si Tanya