Chapter 32

HAWAK ang baso ng alak sa isang kamay at ang bote sa kabila, naupo ako sa gilid ng kama at tumitig sa kawalan.

Gusto kong magwala habang lumalaklak ng alak. Sa dami ng bagay na tumatakbo sa isipan ko, hindi ko na alam kung anong problema ang uunahin kong intindihin.

Isa lang ang malinaw sa akin ngayon, kahit ano pa ang mangyari, hindi ako papayag na muling mawala sa akin si Tanya.

Natigilan ako sa pag-iisip nang marahang bumukas ang pinto ng kuwarto. Puno ng pag-ingat na pumasok si Dayana. Madilim sa kuwarto dahil nakapatay ang mga ilaw kaya natigilan pa siya nang makita ako.

"What are you doing here?"

"D-Dylan, kukuha lang ako ng mga damit. Sa ospital ako matutulog kasama si Dianne."

Nilapag ko sa ibabaw ng sidetable ang bote ng wine at tumayo. "Kunin mo na lahat ng gamit mo dahil makakalayas ka na."

"Ano? H-hindi puwede! Dylan, please! Don't do this!"

Hindi ko siya pinakinggan. Mabilis akong pumasok sa walk-in closet ng kuwarto at isa-isang inilabas ang mga damit niya mula sa cabine