Chapter 39

Dylan's POV

HINDI AKO nag-aksaya ng oras. Agad akong bumiyahe papunta sa address na ibinigay sa akin ni Janice. Natagalan ako pero pagdating ko roon, nandoon na at naghihintay sa gilid ng daan ang grupo ng mga lalaking binayaran namin.

"Sir Dylan."

Nakipagkamay ako sa lider ng grupo. "James, where are they?"

"Sa dulo ng isla, may maliit na bahay roon. Nandoon sila ngayon."

Napangiti ako nang tanguan siya. Nagmadali ako sa pagpunta sa dulo ng isla. Nang marating ko ito, napansin ko ang may kaliitan na bahay na yari sa pinagtagpi-tagping mga kahoy.

Hindi pa ako nakakalapit, biglang lumabas si Tanya mula sa nakabukas na pinto. Natigilan siya nang makita ako at nabitiwan ang hawak.

"Dylan? Anong ginagawa mo rito? Paano mo ako nahanap?"

Pagod akong nagbuga ng hangin habang nakatingin sa kaniya. Akmang lalapitan ko siya pero bigla siyang umatras. Nang matigilan ako ay kumaripas siya ng takbo palayo.

"Tanya!"

Damn it! Ano bang nangyayari sa kaniya? Bakit niya ito ginagawa? Pakiramdam ko ay