Chapter 29

Dylan's POV

NADATNAN namin ni Dayana ang adviser at principal ng school ni Dianne sa labas ng emergency room. Halos kapusin ako ng hangin nang makita ang ilang mantsa ng dugo sa mga kasuotan nila.

"Nasaan ang anak ko? Anong nangyari sa kaniya? Bakit n'yo siya pinabayaan!"

Sinubukan kong hawakan sa mga braso si Dayana upang pakalmahin ito. Pero patuloy siya sa pagluha habang panay sisi sa dalawang guro.

"Ma'am, tumakbo palabas ng eskwelahan ang anak n'yo. We tried to go after her, but we were too late."

"Then this is your fault! Nagbabayad kami nang malaking halaga sa inyo, hindi para pabayaan n'yo lang ang anak namin!"

"Mrs. Aragon, I'm so sorry pero hindi namin ito ginusto. Walang may gusto sa nangyari."

"Kapag may nangyaring masama kay Dianne, I will sue you! Ipapasara ko ang school ninyo!"

Mariin akong napapikit sa mga narinig. Niyakap ko si Dayana at inilayo sa dalawang guro.

Mahinahon ko silang hinarap habang umiiyak si Dayana sa isang sulok. "Please, tell us about what really ha