Damian & Anya 27

Anya's POV

HALOS bumagsak ako sa sahig habang nakatayo sa labas ng emergency room. Mabuti na lang dahil kanina pa nakaagapay sa akin si Damian at pinipigilan ang tuluyan kong pagbagsak.

"Ano bang nangyari? Bakit biglang tumakbo palabas si Andi?" may himig ng pag-aalala at pagkataranta ang boses nito.

Hindi ako makasagot. Hindi ko masabi ang dahilan kung bakit biglang nagalit si Andi at umalis.

Nang wala pa rin akong tugon na maibigay ay pinaharap niya ako sa kaniya. Mahigpit na hinawakan sa magkabilang braso.

"Anya, tell me what happened! Please!"

I looked at the eyes of the man whom I loved for four years. Ang lalaking nag-ahon sa akin sa kahihiyan at tinanggap at minahal ako, ay siyang lalaking nagsadlak din sa akin sa kahihiyang iyon.

Siya ang sumira sa buhay ko.

"I told her na maghihiwalay na tayo," diretso kong sabi.

Natigilan siya. Hindi nakapagsalita. Nakita ko kung paano naipon ang ilang butil ng luha sa mga mata niya.

"Hindi matanggap ni Andi na maghihiwalay na tayo... nagali