Damon & Luci 4

Damon's POV

BIGLANG nanlambot ang mga tuhod ko sa nabasa. Pabagsak akong napaupo sa single sofa at natulala na lang.

Inagaw ni Nico mula sa akin ang cellphone ko bago mabilis na tumakbo palabas. Nagsimulang manginig ang mga tuhod at kamay ko. Sinong gagawa nito? Sinong dudukot kay Luci?

Nang maisip si Antonio Dionisio ay mabilis akong tumayo at sumakay ng sasakyan. Mula sa huling lugar kung saan sila nakita, nagmaneho ako nang limampu't limang minuto at sinundan lang ang daan. Hanggang sa marating ko ang liblib na lugar kung nasaan si Nico at ang iba ko pang mga tauhan.

"Nico!"

Mabilis kong nilapitan ang kotseng ginamit nina Pio at Luci nang umalis sa mansion. Nandito pa rin ang walang buhay na katawan ni Pio. Tadtad ng bala. Ngunit si Luci ay wala.

"Where's my wife?"

Nico shook his head. "Ganito na ito nang dumating kami."

Itinaas ko ang wristwatch ko at nakitang alas-dose na ng hatinggabi. I was late—I was three hours too late. They got her.

"Si Antonio lang ang mangangahas na gumaw