Chapter 75

CARLOS POV #4 PAST TO PRESENT TIME

Aminado ako na tanga ako, na uto-uto ako. Dahil naniniwala ako sa lahat ng mga sinasabi sa akin. Sa mga buwan na dumaan at halos ilang taon na ang lumipas ay nasanay na ako. Nasanay na akong mag-isa. Ngayon ako naniniwala sa sinasabi nila na saka ka magsisisi kapag nawala na sa ‘yo ang taong mahal mo. Nagsisisi ako sa lahat ng mga maling nagawa ko sa asawa ko. Sa lahat ng ginawa kong pananakit sa kanya ay kulang pa itong nararamdaman kong lungkot at pagsisisi. Hindi ko rin inakala na nagbunga ang kataksilan ko na magkakaroon ako ng anak kay Pia.

Nakikisama ako kay Pia pero para na lang sa anak ko. Gumaling na ako at wala na ang mga traces ng gamot sa katawan ko. Pero regular pa rin akong pumupunta sa doktor para siguraduhin na maayos na ako. Never kong naisip na gumamit ng dr*gs pero sarili ko lang pa lang kapatid ang gagawa at sisira sa buhay ko.

“Carlos, kausapin mo na ako. Alam ko na mali ang ginawa ko.” Umiiyak na sabi sa akin ni Ate.

“Sinira mo