Chapter 28.1

HINDI alam ni Eugene kung ano ang mararamdaman niya ng marinig ang mga sinabi ni Irene sa press. Masaya siya na kayang ipagsigawan ni Irene sa mga tao na asawa siya nito pero kaakibat niyon ang pagkakonsensya niya.

Matapos na malaman mula kay Hannah na alam na nito ang totoong pagkatao niya ay ngayon mas nakakasiguro na siya na ang mas mataas na position na sumusuporta kila Hannah ay hindi lang basta-basta negosyante kundi isang mafia na katulad niya.

Ang balak niya noong una ay aminin sa lahat ang tungkol kila Irene ngunit umatras ang balak niya na iyon ng marinig ang sekreto niya kay Hannah. Siguradong mapapahamak ang pamilya niya kung ipagsisigawan niya ang totoo kaya nga nakokonsensya siya ngayon dahil hindi niya magawa ang katulad ng ginagawa ni Irene.

“Eugene nakatakas si Hannah! Susundan ko siya!” natauhan siya ng magsalita si Mason sa tabi niya at agad na umalis doon.

Si Irene naman ay natigilan dahil sa sunod-sunod na tanong sa kaniya ng mga press. Bago sa kaniya ang gano