Kabanata 74

Hindi ko alam kung ilang oras na ang lumipas simula noong pumasok si Alex sa kwartong ito kanina. Dahil ngayon tanging maitim na langit na lamang ang nakikita ko sa labas ng bintana. Napayuko ako at niyakap ang sariling binti dahil sa kalungkutang bumabalot sa akin. Ipinikit ko ang aking mga mata, umaasa na sana sa susunod na buksan ko ito ay bubungad sa akin ang araw na sumikat. Ngunit wala pamang isang minuto ay binuksan ko na ang aking mga mata nang biglang bumukas din ang pinto at may isang lalaki ang pumasok. Hindi ko siya kilala. Hindi ko rin alam kung anong balak niyang gawin sa akin pero nakasisigurado ako na tauhan siya ni Alex.

“A-Anong gagawin mo sa akin?” tanong ko nang lumapit siya at hinawakan ako sa dalawang braso upang igiya ako sa labas. Hindi niya ako sinagot at nagpatuloy siyang kinaladkad ako sa hallway. Patungo kami sa elevator kaya nagpumalag ako sa kaniyang pagbihag sa akin.

“Tang*ina huwag kang makulit!” sigaw niya nang bumukas ang pinto ng elevator. Pinilit ni