Chapter 23

“Where do you want to go?” Habang naglalakad palabas ng hospital ay tinanong ako ni Ilham.

May check-up kasi ako sa araw na iyon. Masaya ako sa naging resulta kaya hindi maalis ang ngiti sa labi ko habang palabas kami ng hospital. Unti-unti na akong nagiging okay. Ang makihalubilo sa ibang tao ay nagagawa ko na nang paunti-unti. Simula ng magising ako ay natatakot akong makipag-usap sa ibang tao. Kahit anong pilit ni Ilham na sabihin sa akin na sumubok makihalubilo ay hindi ko magawa.

Ilang buwan na ang nakakalipas nang marinig ko ang mga boses na iyon. Kahit ako ay nagulat din kinaumagahan dahil parang kusang gumalaw ang katawan ko patungo kay Ilham. Sinabi ko sa kanya na magpa-therapy. Masaya naman siyang pumayag atagad niyang tinawagan ang Neurologist na kilala niya. Kaya sa unang check-up ko ay tatlo kaming nagtungo sa doktor ko.

“Gusto kong kumain doon sa LA'S restaurant, pwede ba? Nakita ko kasi iyon noong isang linggo, yayayain sana kita no'n kaso busy ka pa, eh,” nakangiti