Chapter 46

“Hala!” bigla n’yang binitawan ang damit kong hinila niya nang siguro’y mamukhaan na niya ako. “Ikaw po pala ‘yan, Ate,” saad niya na bumalik sa pagiging mahiyain at mahinhin ang boses.

“Kinabahan naman ako sa ’yo, Sab!” sagot ko rito na napahawak pa ako sa dibdib ko sabay huminga ng malamin dahil pakiramdam ko’y malalagutan ako ng hininga.

“Bakit mo po ba kasi ako sinusundan? Ayan tuloy ibabalibag po sana kita. Saka maggagabi na rin po, ah?” muli niyang pagtatanong at pagsabi sa balak niya sanang gawin.

“K-Kaya mo ‘yong gawin?” gulat kong usisa na nagtataka sa kaniya.

Tumango naman siya at makahulugang ngumiti. “Nag-aral po ako ng taekwondo, Ate,” napalunok ako matapos n’yang sabihin ‘yon.

“Edi kung ‘di mo ako namukhaan ay talagang gagawin mo ‘yon?” pangungulit ko pa.

“Opo, Ate. Tulog ka po sana ngayon ng mahimbing,” pagmamalaki n’yang tugon na bahagya pang tumawa. Imbes matakot ako ay humanga pa ako sa kaniya. Hindi halata sa kan’yang marunong siya sa self-defense dahil sa pagiging