CHAPTER 21

Napabuntong-hininga si Jossa bago humakbang patungo sa kusina. Naramdaman niya ang pagsunod ni Brix at alam niyang naghihintay ito ng mga sasabihin niya. Hindi siya agad nakapagsalita. Sa halip na magkuwento ay pinagtuunan niya muna ang pagkuha ng dalawang tasa saka humarap ulit sa binata.

"You want some coffee?" alok niya kahit pa nagsisimula na rin naman siyang magtimpla para sa kanilang dalawa.

Brix just shrugged his shoulders. "What happened, Jossa? Saan mo siya nakita?"

"Sa restaurant kung saan kami kumain ni Lia," tugon niya. "Si Lia ang una niyang nakita. Nagkabungguan sila nang pauwi na kami."

"And? Did the two of you talk?"

Nahinto siya sa ginagawa at napatitig dito. "Kung pag-uusap man ngang matatawag iyong halos paasik niyang pakikitungo sa akin, then yes, we talked."

"What do you mean paasik?"

Nabitawan ni Jossa ang kutsaritang hawak niya saka nanghihinang napaupo sa silyang katabi. Hindi niya itinago kay Brix ang sakit na lumarawan sa kanyang mukha nang maalala niya kung