CHAPTER 22

Marahas na napalingon si Masha kay Lemuel nang marinig nito ang sinabi ng binata. Bakas pa sa mukha ng babae ang pagkagulat dahil doon. "You know her, hon?" she asked in amazement.

Matagal bago sumagot si Lemuel. For a moment, he just stared at Jossa's face. Hindi man siguro napansin ni Masha, pero sa kanya ay hindi nakaligtas ang malamig na pagtitig nito. Wala pa man sinasabi ang binata ay parang damang-dama na ni Jossa ang galit na mayroon ito para sa kanya.

Hanggang sa disimuladong hinamig ni Lemuel ang sarili. Tumayo ito nang tuwid at hinawakan ang isang kamay ni Masha. Awtomatiko pa ngang napatuon doon ang mga mata ni Jossa. Halos hindi na niya kayang ilarawan ang kanyang nadarama nang makita ang ginawa ng binata. Masuyong ikinulong ni Lemuel sa mga palad nito ang isang kamay ni Masha. And for Jossa, that was a very sweet gesture.

"Yes. Taga-Santa Monica rin siya, hon," seryosong sagot ng binata na naging dahilan para mapatitig ulit siya sa mukha nito.

"Oh, really? Kaya pala magaa