Chapter 46

Lumipas ang araw ay mas naging malapit pa kami ni Ethan sa isa’t-isa. Minsan ay nakakachat o kaya nakakatext ko siya kapag wala kaming ginagawa. Ngayon ay kagagaling lang naming sa mall, sinamahan kasi niya akong mag grocery. Nagabihan na rin kami kasi naglaro pa kami ng arcade.

“Salamat, Ethan.” Tumango naman siya sa akin at binigay ang groceries sa akin.

“Sige, mauuna na ako,” paalam niya sa akin at sumakay na sa taxi.

“Mag-iingat ka!” Kaway ko sa kaniya.

Nang makapasok na ako sa aming bahay ay laking gulat ko na nakaupo ang aking asawa sa sofa at madilim niya akong tiningnan. Kinabahan ako sa titig niya sa akin.

“Saan ka galing!?” sigaw na tanong niya. Napasinghap ako dahil hinila niya ang aking braso at inilapit sa kaniya. Nabitawan ko ang groceries na aking binili sa sahig.

“Puwede ba pakibitawan ako, alam mong nag grocery ako. Ikaw pa nga ang nag-utos sa akin na mamili eh. Nak