Chapter 53

Kasalukuyan akong nakaupo sa harap ng kabaong ng aking ina. Nakatulala at panay lang tulo ng aking luha. Wala akong maramdaman kung di sakit lamang, nawawalan na ako ng pag-asang mabuhay. Nanatili lang ako roon sa harap habang tinitingnan kung saan nakahimlay si Nanay. 

Hindi ko maipaliwanag ang sakit na nararamdaman ko ngayon, sising-sisi ako. Labis na sinisisi ko ang aking sarili kung bakit nawala ang aking ina. Kung maaga ko pa sanang pinaalam ang nangyayari sa amin ng aking asawa ay hindi siya aatakihin sa puso. Hindi ko alam ang nangyari between Emery and her ngunit alam ko na siya ang dahilan kung bakit nawala ang aking ina. Ang sabi ni Ethan sa akin ay nakita raw ni Ate Loling si Emery at nanay na nag-uusap sa labas ng gate, nang bumalik ito ay nagulat na lamang siya nang makitang nakahandusay si Nanay sa sahig at wala na roon si Emery.

Kung sana ay umuwi nalang ako sa bahay, kung sana sumuko at tinanggap ko na lamang na wala na talaga kaming pag-asa ng aki