Chapter 71

Kasalukuyan kaming nasa loob ng kotse ni John at tahimik na bumabyahe. Papunta na kami sa palasyo at walang imik na tinatahak iyong daan patungo roon. Alas syete na ng gabi, hindi na namin namalayan ang oras dahil sa rami ba naman ng abubot at pinaggagawa nila sa aking mukha, buhok at katawan. Talaga namang nagsilbi akong prinsesa dahil sa kanila. Masasabi kong maganda ang industriya ng fashion designer dito sa bansa.

Isa rin kasi ang bansang ito sa napakaraming sikat na industries sa buong bansa lalo na sa larangan ng fashion.

“Naalala ko, bakit pala walang tao doon sa mall na pinuntahan natin kanina?” tanong ko sa kaniya na habang nakakunot ang aking noo. Na-cu-curious nga talaga ako kanina at hindi ko maiwasang magtaka.

“Ahh, kasi pinasara muna ang mall dahil dadating ka,” walang lingon-lingong saad ni John sa akin na ikinanganga ko ng bibig. Grabe!

“SERYOSO KA?” gulat kong tanong sa kaniya.

“Nakakatawa