His Feelings

Lia’s POV

Sobrang dilim na at halos tulog na ang mga tao ng makarating kami sa bahay ng lola’t lolo ni Craig, medyo nakakahiya nga at halatang naistorbo naming ang masarap na tulog nila.

“Craig, anong ginagawa mo dito ng gabing-gabi?” Tanong ng kaniyang lola ng may pag-aalala, pero agad rin naman na dumako ang tingin niya sa akin na nakatayo sa gilid ni Craig. “May kasama ka pa pala.”

“Good evening po.” Yumuko ako at nagmano, “p-pasensya na po kung naistorbo namin kayo.”

“Nako hindi iha, ayos lang naman iyon. Nagulat lang ako at walang pasabi si Craig na pupunta siya dito, ang alam ko nga ay aalis na siya…”

“La, meron kaming dalang pagkain dito. Hindi pa kami nakakapaghapunan, sabayan nyo kami.” Nakangiting sabat ni Craig.

“Nako e, kumain na kami kanina.” Sagot ni lola, “Ikaw, baka gusto mong sabayan ang apo mo na kumain.” Tumingin ito sa lolo ni Craig.

“Pwede naman.” Ngumiti ito, hindi maitatanggi na lolo nga siya ni Craig.

Sabay-sabay kaming naupo sa lamesa ng maiayos ni Craig ang m