Interview

“H-huh? Paano mo nakuha ang contact number ko?” Kinakabahan kong tanong.

“Because I have my ways, Lia. So, kumusta ka na?” Naging seryoso ang boses niya, “I heard nagsasampa ng kaso ang pamilya mo, unfortunately…”

Tumikhim ako ng malakas, “yes, unfortunately wala kaming laban.” Ako na ang tumapos sa sasabihin niya.

Tumihimik saglit ang parehong linya, hindi ko rin alam kung ano ang dapat kong sabihin.

“Do you want me to help you, guys?” Muli siyang nagsalita, halata ang sinseridad sa kaniyang boses. “kung magbibigay ako ng statement, mas mapapadali ang process ng kaso.”

Umiling ako kahit na alam ko namang hindi niya ako nakikita, “ayaw ko na madamay ka, isa pa baka maapektuhan ang business mo pag nagkataon.” Lumakad ako palayo sa kwarto nila mama. “magagawaan naman siguro ng paraan.”

“Paraan? Anong paraan ang mas hihigit sa statement ko?” Nagtataka niyang tanong, “are you planning to use money too?”

“Hmm… Hindi ko pa alam, sure ka ba na handa mo kaming tulungan?” Parang may kung anong