Unregistered number...

Nang araw na iyon ay hinatid nga lang niya ako tulad ng napagkasunduan, hindi na rin niya nagawa na hintayin ang mga magulang ko para magpakilala o magpaalam man lang sa kanila.

Medyo nakakahiya na hindi ko man lang siya nagawang alukin ng kahit ano, sa ilang beses niya akong hinatid ay never ko pa siyang naaya na pumasok sa loob ng bahay.

“Oh, asan na yung naghatid sayo? Bakit hindi mo man lang pinakilala sa amin?” Tanong ni papa pagkarating nila, halata sa mukha niya ang pagod at stress.

Hindi naman nagsalita si mama pero ganoon rin ang nakikita ko sa kaniyang mukha, medyo may pagka-disappointed rin dahilan para medyo makaramdam na ako na hindi maganda ang kinalabasan ng inasikaso nila.

“Pasensya na pa, sa susunod nalang siguro. Marami rin kasi siyang gagawin,” hindi ko masabi na ang boss ko ang naghatid sa akin, panigurado ay big deal iyon sa kanila. Well, hindi naman talaga iyon karaniwang nangyayari…

Kumuha ako ng dalawang baso at isang pitsel ng malamig na tubig, “inom po muna k