Chapter 53

R-Roman ... L-Let me explain," nagbubuhol ang mga dila niyang usal.

Nangangamba siya na baka mabuko nito ang kaniyang masasama na balak lalo pa't naroon si Tristan na anumang oras ay puwede siyang ilaglag.

"Talagang kailangan mong magpaliwanag. Sino ang lalaking ito?" kompronta nito sa kaniya. Palipat-lipat ang tingin nito sa kanilang dalawa ni Tristan.

"S-Siya ... S-Siya ang ama ng baby ko, Roman." Ibinaba niya ang tingin sa lupa.

Pinilit niyang umiyak dahil iyon ang kahinaan ni Roman. Lumalambot ito sa tuwing nakikita siyang lumuluha.

"B-Baby?! M-May anak ka na?! K-Kung ganoon ay niloloko mo lang ako?!"

Luhaan ang mga matang nag-angat siya ng tingin.

"H-Hindi, Babe! H-Hindi kita niloloko. M-Matagal na kaming hiwalay ng lalaking 'to at ang naging anak namin ... N-Namatay na ang anak namin noong nasa sinapupunan ko pa lang ito. H-Hindi na nasilayan ng anak ko ang mundo."

Ilang segundo ang lumipas bago nakapagsalita si Roman.

"Kung ganoon ay bakit hindi mo sa akin sinabi ang totoo? Ba