Chapter 57

Sa labas ng village hinintay ni Lalaine ang paparating na rider. Ngayon nakatakdang i-deliver ang kaniyang gamot na binili mula sa illegal site online kaya naman palihim siyang lumabas para salubungin ang magdadala.

"Peste naman oh! Bakit ba ang tagal ng letseng delivery rider na 'yon?! Sunog na ang balat ko kakahintay!" reklamo niya habang kinukuskos ang balat na bahagyang namumula na dahil sa sobrang init.

Ilang sulyap na rin ang kaniyang ginawa sa relo pambisig. Thirty minutes na siyang naroon ngunit maski anino ng rider ay wala siyang makita.

"Tsk! Balak ba talagang ubusin ng taong 'yon ang pasensya ko?"

Hinugot niya ang kaniyang cell phone mula sa kaniyang bulsa para sana magtipa ng mensahe ngunit napahinto siya nang may tumigil na motorsiklo sa kaniyang harapan. Balot na balot ang rider nito mula ulo hanggang paa. Maski buhok o kuko nito ay hindi niya makita ang itsura.

"Lalaine Montenegro?"

Sumimangot siya.

"Ikaw ba ang may dala ng inorder ko?" yamot niyang tanong.

Kinuha nito