Chapter 64

"Narito na ako!" malawak ang ngiting sigaw ni Lalaine nang makabalik siya sa bahay.

Walang sumagot kaya naman nabura ang kaniyang ngiti sa labi.

"Nasaan kaya nagpunta ang matandang 'yon?"

Sinilip niya ang kusina ngunit wala ito.

"Ate Romana?" Inakyat niya ang kuwarto nito sa ikalawang palapag para i-check ito roon. Walang sumagot kaya naman pinihit niya ang seradura ng pinto.

Hindi iyon naka-lock. Malaya siyang nakapasok.

"Ate Romana?" Wala pa rin siyang nakuhang tugon bakas na walang tao roon.

"Nasaan kaya 'yon?" Akmang papalabas na siya ng silid nang maulinigan ang lumalagaslas na tubig mula sa banyo.

"Nandiyan ka ba, Ate Romana?" Kinatok niya nang malakas ang pintuan ng banyo ngunit wala pa rin tugon.

Naramdaman niyang mayroong hindi tama kaya naman binuksan na niya ang pinto nito kahit na wala ang pahintulot ng babae.

Nanlaki ang mga mata ni Lalaine nang makita ang putlang-putla at walang malay na si Romana sa sahig ng shower room. Hubad ang babae at tila bumagsak habang nalili