Chapter 70

"Ang init naman ng ulo. Nagbibiro lang ako," nakangiti pa rin nitong sabi habang nakabitin sa bakal na gate.

Lalong lumalim ang gatla sa kaniyang noo. Paano nito nagagawa na magbiro? Hindi naman sila close at ngayon pa lang nagkakilala.

"Relax. Gusto ko lang sabihin na dumating na ang mga pulis na hinihintay mo," dagdag nito.

Doon niya lang napansin ang dalawang pulis sa likuran ng lalaki. Kaagad siyang lumabas upang magbigay ng statement sa dalawang otoridad.

"Maaari po ba namin malaman kung ano ang naging kaganapan dito kanina, Mrs. Suarez?"

Nakaramdam siya ng matinding pagkasuklam nang tawagin siya ng unang pulis gamit ang apelyido ni Vincent.

"Maaari ba na Miss Lichauco na lang? Huwag niyo nang ipaalala sa akin na kasal ako sa halimaw na iyon!" nanginginig sa galit niyang sabi.

Nagkatinginan ang dalawang pulis na kalauna'y nagkibit-balikat na lamang. Inihayag niya ang buong pangyayari. Sinigurado niyang wala siyang nakaligtaan maski napakaliit na detalye. Maging ang pagsagip sa