Chapter 94

Inabot ni Lalaine ang palad ni Evo ngunit nang hilahin siya nito patayo ay sinadya niyang sumubsob sa malapad nitong dibdib. Mistulang ahas na pumulupot din sa leeg nito ang kaniyang dalawang braso.

"I-I'm sorry . . . Na-out balance lang ako," pagsisinungaling ni Lalaine habang ang mga mata ay hindi tinatanggal sa pagkakatitig kay Evo. Hawak naman nito ang kaniyang likod para alalayan siyang hindi matumba.

Lumalim ang mga linya sa noo nito nang matitigan nang husto ang kaniyang mukha sa malapitan.

"Wait. I think I know you. Lalaine Montenegro, right?"

Mabilis na itinulak siya nito papalayo na parang nandidiri.

"Y-You know me?" kunwari'y walang alam niyang tanong. Pasimpleng inayos muna niya ang damit na bahagyang nagusot bago humarap sa lalaki.

Humalukipkip sa kaniyang harapan si Evo suot ang isang tagilid na ngiti.

"Paanong hindi kita makikilala? Ikaw ang pinakamalaking tinik sa buhay ng girlfriend ko." Wala sa tono nito ang salitang respeto.

Nakuha nila ang atensiyon ng ilang tao sa