KABANATA 22.1 — MUSIC FEST

SPENCER

Malakas ang musika sa loob ng kotse ni Raffy. Para kaming baliw na nagkakantahan at sinasabayan ang mga shuffled song ng mga iba't ibang artist. Ang sinasabayan naman ngayon namin ay ang kanta ni Anne Marie na pinamagatang Friends.

Habang patuloy kami sa pagsabay sa kanta ay napansin kong natahimik ang katabi kong si Aldrin. Apat kami ngayon sa loob ng kotse ni Raffy. Ako, si Raffy at Larah, at ang kababata kong si Aldrin. Gusto kasi siyang makilala ng dalawa kong kaibigan, kaya ayon, dinala ko siya sa university para sa magdecorate ng booth namin para bukas sa National Music Festival na gagawin mismo sa University namin. At kahit hindi ako ang naging vocalist, excited pa rin ako kasi makikita kong magpeperform si Aaron.

Madali namang nagkapalagayan ng loob ang tatlo kong kaibigan at para ngang click na