KABANATA 39.1 — It's not what you think

Isang katok sa kaniyang pintuan ang nakapagpabalik kay Larah sa kasalukuyan. Inaalala niya kasi ang nangyaring pagtatapat ni Kevin noong inimbitahan siya nitong sumama sa resort ng kaniyang tito.

"Sino yan?" nalumanay niyang sagot.

"Ah, iha si manang Perla ito. Baka nasa labas na ang hinihintay mo."

"Po? Okay manang I'll just fix my hair lang. Pwede po bang pakisabing sandali lang po?" magalang na wika niya sa matandang kasambahay. At kapansin-pansin sa boses nito ang labis na pagkatuwa

"Sige anak. Wala ka bang kailangan?" anang matanda.

"Wala po." maligalig na sagot nito.

Napatawa nalang ang matanda dahil nararamdaman niya ang pagkasabik at kaba ng alaga. Kilalang-kilala niya ito dahil siya na ang nagpalaki sa dalawang magpinsang Larah at Raffy.

Nagmadaling bumaba sa kanilang malawak na sala ang dalaga at habang pababa siya sa hagdanan ay nakikita na niya si Kevin na naghihintay. Napatayo ang binata