22. NARINIG NA MGA TINIG

Kinaumagahan hindi ko na hinintay pang magising si Bong. Wala akong mukhang maiharap sa kanya, sa kabila nang dapat siya ang makadama ng ganoon sa akin. Hindi ko siya magawang sisihin sa mga naganap sa amin, maari kasing ako na rin ang may kasalanan ng lahat. Maaring ako ang nagtulak sa kanya na gawin ang bagay na iyon sa akin.

Palihim ang pagdating ko sa mansiyon ng mga Carlos ng umagang iyon, ngunit kahit na sa likod bahay na ako dumaan, nakasalubong ko pa rin si John. Nakayuko ako, at hindi ko magawang tumingin sa kanya. Alam kong wala naman akong kasalanan sa kanya, hindi naman ako ang tunay nitong asawa, pero bilang nagpapanggap akong si Olivia, responsibilidad ko pa rin ang pangalagaan ang imahe ng taong tunay na nag-mamay-ari ng mukhang ito.

"Saan ka nanggaling?" mahinang tanong ni John.

"Wala kang pakialam, may mga taong nagtangka sa buhay ko kagabi, iyong mga taong natatakot na may malaman pa ako, o mahalungkat sa pagkamatay ng mga magulang ko," sambit ko ng mahina ngunit mar