Chapter 27

Natikman ni Johnny kung paano magalit ang isang Hilton. Naisin man niyang lumaban ay batid niya na kahit babae si Summer ay hindi siya mananalo. Dahil isa siya sa mga nakasaksi kung paanong nagchampion si Summer sa mga international martial arts. Bukod pa roon ay ang kasanayan nito sa pakikipag sagupaan sa mga rebeldeng kalaban nito sa bundok sa tuwing sasabak ito sa isang mission bilang sundalo. Alam lahat ni Johnny ‘yan dahil isa siya sa mga nagsabit ng mga awards na natatanggap nito. Kaya batid niya na sadyang mapanganib ang dalaga sa oras na sagarin mo ang pasensya nito.

“Minahal kita, alam mo ‘yan…” madamdaming pahayag ni Summer, “augghh…” tanging ungol lang ang naging sagot ni Johnny dahil sa higpit ng pagkakasakal sa kanya ni Summer habang nagta-tagisan sila nito ng lakas para maalis ang kamay nito sa kanyang leeg. Nakalapat ang katawan ni Summer sa katawan ng binata habang gahibla na lang ang layo ng mga labi nito mula sa pisngi ni Johnny dahil patuloy sa pagsasalita si Summer