Chapter 73

“Ahhhh!” Isang malakas na sigaw ang labis na nagpanindig sa balahibo ng bawat isa sa kanila, kasabay nito ang pagkalat ng matinding takot sa buong pagkatao ng lahat.

“Gemini!” Malakas na sigaw ni Pisces mula sa kanyang earphone, natataranta na tumakbo siya patungo sa kinaroroonan nito. Hindi alintana ang dumudugong sugat sa kanyang tagiliran dahil sa tama ng baril. Nang mga sandaling ito ay tanging ang malakas na kabog ng kanyang dibdib ang naririnig ni Pisces dahil sa labis na pag-aalala sa kanilang kasamahan na si Gemini. Halos hindi na maaninag ni Pisces ang kanyang dinadaanan dahil sa malakas na buhos ng ulan.

Nang makarating sa lokasyon ng kanyang kasamahan ay ganun na lang ang kanyang panlulumo ng tanging bakanteng kalsada na lang ang kanyang nadatnan. “Gemini!” Malakas niyang sigaw na halos ikapaos na niya, natataranta na sinuri niyang mabuti ang buong paligid. Umaasa na baka sakaling nasa paligid lang ito ngunit kalaunan ay nanghihina na napaluhod siya sa basâng semento. Halo