Chapter 112: Left

Kumuha ng push cart si Bernadette saka mabilis na itinulak iyon habang namimili ng mga grocery niya upang magkaroon sila ni Enrique ng stock sa kanyang bahay. Kinuha niya ang cellphone at saka tinawagan ang numero nito ngunit hindi naman nito sinasagot ang tawag.

"Hmm, tulog pa rin siya?" bulong ni Bernadette, hindi niya alam kung ano nga ba ang bibilhin niya kaya nagpasya siya na konti na lang muna at yayain na lamang si Enrique na bumili kasama niya.

Papunta na siya sa parking lot ng makita niya si Lance na nakatingin sa kanya. Pumunta siya sa kanyang kotse saka mabilis na inilapag sa loob noon ang kanyang mga pinamili. Lumapit agad sa kanya si Lance, nakasalamin ito at nakasumbrero.

"Anong ginagawa mo rito?" tanong agad ni Bernadette sa lalaki. Ngumuso lamang ito kay Bernadette na parang nagpapa-cute.

"Tinatawagan kita pero hindi ka sumasagot sa tawag ko eh," reklamo ni Lance. Papasok na sana si Bernadette ngunit pumasok din si Lance sa kanyang kotse.

"Hindi ako pwede na magpangga