Chapter 48

SAGLIT na natigilan si Cataleya sa sinabing iyon ni Lukas. Kinindatan pa siya nito na nagpatalon ng puso niya. Naaliw pa itong pagmasadan siya habang nakahiga sa kama. Tinaasan niya ito ng kilay sabay iwas ng tingin dito.

“Mala-cinderella ang story namin ng iyong ama, Lukas,” panimulang paglalahad ni Conchita. Nabaling ang atensyon niya dito at maging ang anak nito. “Masaya lang sa simula, temporary lang ang happy ending.”

“I was four years old when you left me,” mapait na sabi ni Lukas sa ina. “Hinahabol kita noon pero nagmamadali ka at ayaw mo akong lapitan. Wala kang pakialam kung umiiyak na ako noon.”

Pakiramdam ni Cataleya may isang dramatic song ang nagsimulang tumugtog sa apat na sulok ng private hospital room na iyon. Kinuha niya ng pasimple ang panyo sa bag niyang nasa kandungan niya.

“Gusto kong lapitan ng mga sandaling iyon anak pero kailangang pigilan ko ang sarili ko,” tugon ni Conchita na naalala ang masakit na sandaling iyon. “Gusto kitang isama sa pupuntahan ko pero h-