Kabanata 26

Sweeter

Napanguso ako habang naglalaro kay Emi. Panay kasi ang ngiti ni Fizale habang nakatitig sa akin.

Kanina lang namin kinuha si Emi sa Animal Shelter. Hawak-hawak ko siya buong magdamag simula nang matapos na ang proseso sa pag-adopt ni Fizale sa tuta.

Dumiretso kami sa kanilang mansiyon sa San Lazaro. Hindi naman kasi pwedeng doon sa bahay niya sa gitna ng kagubatan dahil walang magbabantay kay Emi tuwing may klase kami. Mas lalong hindi pwede sa mansiyon ni Señora Santillana at baka sabunin siya ng tanong.

Hindi na naman nawala ang pasaring ng mayordama sa akin na ngayon ko lang nalaman ang pangalan.

“Mamu Cris, papalitan na ba ang kurtina?”

“Oo. Huwag niyong ilagay sa washing machine. Kusutin niyong maigi.”