Chapter 76

Naglakad si Isabella patungo sa lounge ng mga flight attendant ng kompanya nila sa loob mismo ng airport. Medyo napaaga siya pero ayos lang iyon. May oras pa siya para ihanda ang sarili.

“Isabella, ready for our flight?” tanong ni Mildred na kararating lang.

Tumango siya.

“Kilala mo ba ang piloto ngayon? Hindi kaya siya masungit?” tanong niya. Sabi kasi sa GC nila kagabi, bago raw ang head pilot.

“Hindi rin, eh. Pero si Sir Kelvin pa rin ang co-pilot niya.” Kitang-kita niya ang pagkislap ng mga mata nito nang banggitin ang pangalan ng lalaki.

Napangiti siya. “Yes. Hindi na siya pinalitan.”

“Ayos!”

Napakunot ang noo niya.

“Girl, kung alam mo lang,” bulong niya sa sarili at inayos sa mesa ang mga binabasang magazine.

Maya-maya pa, dumating na ang lahat kasunod ang lead flight attendant nila. Sinabi nito isa-isa sa kanila kung saang area sila naka-assign.

“Miss Evangelista, you are assigned to assist our pilot’s family. His wife, his son and other VIP members, understand?” malumay na wik