Chapter 33

Alessia's POV

NAALIMPUNGATAN ako mula sa aking pagtulog dahil may yumuyugyog sa akin. Kahit ayaw ko pa ay iminulat ko ang aking mga mata at nakita ko naman si Stefano na ginigising ako at nayayamot ang mukha niya habang nakatingin sa akin.

"Badtrip ka naman, Stefano. Ang aga-aga nangigising ka." Reklamo ko at nagtalukbong ako ng kumot. Hindi ko na maalala kung anong oras ako nakatulog pero alam ko na kulang na kulang pa ang aking tulog.

"Umaga na, pinapauwi ka na ng mahal na hari. Tsaka hindi tayo pwedeng magtagal dito dahil gusto ko ng pag-usapan ang mga nangyari kagabi. Diba nagmamadali ka na umuwi kagabi?" Reklamo nito sa akin at hinila nito ang kumot na nakatalukbong sa akin at basta-bastang itinapon lang iyon sa sahig para hindi ko maabot para makuha ulit.

Ako naman ang nayamot ngayon. Inaantok pa ako at anong oras na akong nakatulog? Madaling araw na tapos gigisingin niya ako ng ganito kaaga? Alam kong gustong-gusto kong umuwi kagabi. Pero kagabi yun at mas gusto kong matulog ng