Kabanata 47

Punyal

Tatlong araw na akong halos hindi lumalabas sa kwarto para pag-aralan ang grimoire ni Lola Josephine. Kapag lalabas man ay tuwing mag babanyo lamang. Dinadalhan lang din ako ni Aling Mumay ng pagkain na kadalasan ay hindi ko naman nakakain.

Noong nakaraang araw ay tinutulungan pa ako ni Margareth na pag-aralan ito ngunit ngayon ay mag-isa ko na lang ginagawa dahil may nais siyang kompirmahan sa katauhan ni Levi kaya ayun at magkasama sila at may ginagawa ring ritwal.

"Hindi mo na naman ginalaw ang almusal mo, ah," wika ni Ree habang nilalapag ang magiging tanghalian ko sa araw na ito. "Natulog ka naman ba?" dagdag niya.

Pagod akong ngumiti. Nararamdaman ko na nga ang pamimigat ng aking mata dahilan sa ilang gabing walang maayos na tulog ngunit wala akong ibang pagpipilian kundi gawin ito. Nalalapit na ang kabilugan ng buwan at nag-aalala ako sa magiging kalagayan naming lahat.

Marahan akong tumango nang makita ko ang pag-aalala sa kanyang mga mata. "Umidlip ako kanina kaya