Chapter 28: Shone like Diamonds

"DALA-DALA na ba ninyo ang pinadala kong mga sangkap sa paggawa ng likidong ganda?"

Tumango naman ang lahat at mariing nakikinig kay Maestra Haykey tungkol sa paggawa ng likidong ganda.

Nanatili lang akong nakatingin sa kuwaderno ni Janus. Medyo matamlay ang umaga ko, bukod sa wala akong kapartner ngayon, yung tungkol kay Jandel at sa aming dalawa ni Stalwart. Isama mo pa yung pag-uusap naming tatlo noong isang gabi tungkol sa pag-ibig. Since then, the ideas have kept me up at night and keep me from falling asleep.

May nakita akong isang papel na nakaipit sa kuwaderno ni Janus. Isa na naman itong sulat.

Patawad dahil mag-isa kang gagawa ng likido. Hindi kita masasamahan sa loob ng dalawang linggo dahil sa parusang natanggap ko ngunit huwag kang mag-aalala dahil palagi kitang gagabayan at tutulungan, nakatingin lang ako sa paligid.

Napatingin naman ako sa paligid pero wala naman e. Aking pinagpatuloy ang pagbabasa ng sulat.

Biro lang, dyok lang. Hahaha. Alam kong kaya mo 'yan Arte