Chapter 26

"Bakit walang tao dito?" tanong ko.

Inilibot ko ang paningin sa malawak na kusina. Black and white ang tema ng bahay ni Marcus. May mga pagkain na na nakahanda sa mahaba at malawak na lamesa. Sa gilid naman ay may dalawang chef na kasalukuyang nagluluto. Sa kabilang mesa ay ang pastry chef na gumagawa ng mga desserts. May iba ring mga katulong na nandito at ngumingiti at tumatango sa amin.

Bumaling sa akin si Marcus na may hawak na platito at kumakain ng chocolate cake. "Mamaya ko bubuksan itong kusina. Hindi pa naman nagsisimula ang party," sagot niya sabay turo sa nakasara na pintuan na nagbabahagi dito at sa sala. Malakas ang tugtugin at nahagip pa ng tingin ko si Dark na bahagya itong sinasabayan habang tumitikim din sa mga hilera ng pagkain.

"Bro, tikman mo itong cake. Diba favorite mo ang chocolate flavor?"

Napasimangot na lang ako nang sinubuan ni Marcus si Dark na wala ring pag-aalinlangan na tinanggap. Nakarinig pa ako ng ilang mga pagtikhim galing sa mga kasama namin dito sa