Ika animnapu’t pitong kabanata

Isa-isa kong dinampot ang mga nagkalat na laruan ng aking mga anak sa sahig pati ang ilang mga maruming damit. Lumuhod ako sa sahig at pilit na inabot ang isa pang laruan na nasa ilalim ng kama ngunit naagaw ang atensyon ko ng isang puting damit na nasa pagitan ng maliit na lamesa at kama.

Pagkatapos kong makuha ang laruan ay isinunod kong dinampot ang damit. Puting polo pala ito ni Zac marahil ay nahulog habang siya ay nagbibihis kagabi.

Ilalagay ko na sana ito sa basket ng nahagip ng aking mga mata ang isang mantsa ng pulang lipstick sa bandang kwelyo nito. Nanikip bigla ang dibdib ko habang mahigpit na hawak ang damit ng aking asawa. Hindi ko na kinaya ang sakit mula sa aking dibdib at kaagad na nag-unahan sa pagpatak ang aking mga luha. Naulinigan ko ang ilang mga yabag na patungo sa kwartong kinaroroonan ko kaya mabilis akong pumasok sa loob ng banyo bago inilock ang pintuan.

Nanghihina na sumandal ako sa dahon ng pintuan at padausdōs na umupo sa sahig habang tahimik na umiiyak