Ika dalawampu’t tatlong kabanata

“Babe…” Naiiyak na sambit ni Marjorie bago ako nito niyakap mula sa likuran saka isinandig niya ang ulo sa aking likod.

“Baka pwedeng kahit hindi ka na sumama sa business trip na ‘yan? Kakausapin ko si sir Hilton.” Nagsusumamo na wika ni Marjorie habang hinahaplos niya ako sa dibdib kaya naipikit ko ang aking mga mata. Parang gusto ko ng pagbigyan ang kahilingan nito ngunit mabuti na rin ang lumayo muna ako pansamantala upang makarecover sa mga nangyari sa akin.

Dahil kasi sa ginawa ni Alex ay nasira ang self confidence ko, pakiramdam ko maging ako ay naguguluhan na sa sarili ko. Maganda na rin ang naging desisyon ni Sir. Zac, makakatulong din ito para mabuo kong muli ang aking sarili.

“Babe, nag-usap na tayo tungkol dito di ba? Hayaan mo muna akong lumayo pansamantala dahil hindi biro ang ginawa sa akin ng pinsan mo.” Seryoso kong pahayag, nakadama ako ng awa ng makita kong pumatak ang mga luha nito kaya niyakap ko siya ng mahigpit.

“Isang buwan lang, Babe, promise babalik din ako