BOOK 5 C4 - CANCELLED CONTRACT

“Sonia, alam kong malaki ang naging parte ng anak ko sa kahihiyan na inabot ng pamilya Albrecht ngayong gabi. Ngunit ako na mismo ang humihingi ng paumanhin sa’yo. Hayaan mo, kausapin ko ang anak ko.”

Binalingan ni Sonia si Victoria nang may pagkadismaya. “Hah! Huwag na Victoria! Kung talagang may pakialam ang anak mo sa pamilya natin hindi na sana niya ipinagtanggol ang babaeng ‘yun!” Naninikip pa rin ang dibdib ni Sonia habang nakasandal sa couch. Maagang natapos ang kanyang kaarawan dahil sa isang iglap lamang na kahihiyan na dulot ng asawa ng kanyang pamangkin. Hanggang ngayon hindi pa rin siya makapaniwala na makakaya siyang pahiyain ng isang hamak na ordinaryong neurosurgeon lamang. “Makikita ng babaeng iyon. Kung kailangan tanggalan ko siya ng lisensya sa pagiging neurosurgeon niya gagawin ko. Sisiguraduhin kong walang ospital na tatanggap sa kanya.”

Puno ng guilt ang nararamdaman ni Victoria dahil sa ginawa ng anak niya. Mas lalo lamang nadagdagan ang galit niya kay Dharyl