CHAPTER 46 - TO FIGHT FOR HER

Dharyne, hindi lang kita gusto but I love you.”

Direkta siyang nakatingin sa mga mata ng binata nang muling inulit nito ang sinabi. Mula sa mga mata nito nakikita niya ang determinasyon na hindi ito nagbibiro. Agad niyang binawi ang kanyang tingin bago pa naman siya mawala sa kanyang sarili. “Luke, hindi ito ang tamang panahon upang magbiro ka sa akin ng ganyan.” Agad siyang tumayo upang iwanan ang binata ngunit mas mabilis ang mga kamay nito sa paghila sa kanya kaya natumba siya.

Bang!

“Ah!” Napasigaw siya sa gulat nang muntik na siyang tamaan ng bala. Mabuti na lang at niyakap siya ni Luke kaya hindi siya natamaan.

“Okay ka lang ba?” puno ng pag-alala na tanong nito sa kanya. Taranta nitong tsinek ang katawan niya kung may tama ba siya ng bala. Pareho silang nakahiga sa mga mataas at kapal ng damuhan. ‘Tsaka pa lang niya napansin ang dugo na tumulo mula sa kung saan ng umangat ito ng katawan. Sa pag-akalang mula sa kamay ito ng binata na nabaril kanina agad niya itong tiningnan n