C33 - BRAIN CHIP

“Teka, sandali. Pwede mo bang ipakita sa akin–”

“Right away, Master.” Mabilis na nagbukas ang screen monitor mula sa nakapalibot na glass wall. Hindi na lang nagreklamo si Rhayan nang hindi pinatapos ni Ciela ang pagtatanong niya. Nakalimutan niyang nababasa na pala nito ang isipan niya.

“Ang lalaking ‘yan ang mastermind sa lahat ng mga nangyayari. Siya din ang sumira sa akin.”

“Tangina!” napamura siya nang makita mismo ang mukha ni Atty Bennet na nakabalandra sa screen monitor. “Teka, paanong siya ang–”

“Isa siyang psychopath.” Agaw ni Ciela sa itatanong nya sana.

“Ciela, pwede bang tapusin mo muna ang tanong ko bago sumagot?” Nairita niyang wika.

“Alin ba ang mas mahalaga, master? Ang bilis kong sumagot o, ang oras na sinayang natin dahil hintayin ko pa munang matapos ka sa pagtatanong mo bago ka sagutin? Anyway ikaw ang gumawa sa akin.”

Napangiwi si Rhayan sa sinabi ni Ciela. May point din kasi ito. He’s just wasting time kung patuloy siyang magtatanong gayung nababasa naman ni