CHAPTER 43 - HIS UNCONDITIONAL LOVE

Kinabukasan, nagising si Rihanna sa loob ng silid na familiar sa kanya. Inikot niya ang kanyang paningin, agad niyang nakita ang nakasabit na picture frame sa wall ng silid. Kuha nila ito ni Dustin sa city hall ng New Hampshire noong bagong kasal sila. Napangiti siya, dahil nakatingin siya sa camera, samantalang si Dustin, nakahalik naman sa pisngi niya. Natutuwa siya dahil nasa dating ayos pa rin ang silid nila ni Dustin.

Bumalikwas siya ng bangon. "Teka, bakit nga pala nandito ako sa silid namin? Paano ako nakarating dito? Kagabi lang nandoon ako sa palasyo…" kinakausap niya ang sarili ng bigla siyang natigilan nang maalala na naman, ang kanyang ina. "Si mommy..buhay si mommy?" Hindi na naman niya mapigilan ang mga luha niya. Nasa ganun siyang sistema ng bumukas ang pintuan ng silid. Umangat siya ng mukha at tumingin sa direksyon ng pintuan. Ang nag-aalala na mukha ni Dustin ang nakita niyang papalapit sa kanya.

"Luv, bakit ka umiiyak?" Niyakap siya ni Dustin at hinalikan sa noo.