THZ 80 - TIME OF DEATH

“Sir, just wait outside.”

Sa pintuan pa lang napahinto na si Rhayan sa kanyang malaking hakbang ng bigla siyang pinigilan ng Doctor. Ngunit tila wala siyang narinig dahil nagpupumilit pa rin siyang sundan si Hera sa loob ng Intensive Care Unit(ICU).

“Please save both my wife and son.” Nakikiusap ang kanyang mga mata at naiintindihan naman ito ng Doctor. Bahagya itong tumango habang kinakausap siyang sa labas na lang maghintay.

"Don't worry, we will do our best to save them."

Saka pa lang siya pumayag na lumabas ng marinig ang assurance nito na iligtas ang asawa at anak niya. Nanghihina siya na umupo sa nakahilirang upuan sa labas ng Intensive Care Unit. Bahagya siyang yumuko; itinukod ang dalawang siko sa magkabilang binti niya habang ang kanyang mukha ay natatakpan ng kanyang dalawang palad. Panay pa rin sa pag-agos ang kanyang mga luha.

Sobrang awa ang nararamdaman ni Lendon habang nagmamasid sa master niya. Sa tagal niya na paninilbihan rito, ngayon pa lang niya nakita kung ga