47. I Missed You

[Kiara]

Hindi sumagot si Grant, nag iwas ito ng tingin at naglakad na palabas. Mas lalo lang siyang nasaktan sa inakto nito. Hindi nito sinagot ang mga tanong niya. Tama nga ang sinabi ni Cyrus, hindi siya gano'n kamahal ng asawa niya.

"We're going home together, Kiara. Wag mo akong paghintayin ng matagal sa labas." Ani Grant bago tuluyang lumabas ng office niya.

Kagat ang labi na tumalikod siya, baka kasi pumasok si Lyca at makita ang kalagayan niya. Ilang beses siyang sumagap ng hangin para pagaanin ang dibdib. Inayos niya muna ang mukha bago lumabas, ayaw niya na may makahalata na galing siya sa pag iyak.

"Lyca, uuwi na ako. Ikaw na ang bahala. Huwag mong kalimutan na i-deliver kay Mrs. Flora ang mga Bouquet bukas, inahin niyong ideliver ang mga 'yon bukas." Bilin niya.

Pinagbuksan pa siya ni Grant ng pinto ng kotse. Tumingin muna siya sa labas ng sasakyan habang hinihintay na umusad ang kotse pero ilang minuto na ay nanatiling nakapatay ang makina ng sasakyan.

Natigilan siya ng m