50. Disenyo

[Kiara]

Huminto siya sa paglalakad ng makita ang ina ni Grant sa malawak na garden ng mansion. Sa nakalipas na dalawang buwan ay napansin niya na palagi itong naglalaan ng oras para magpinta.

Dalawang buwan na ang lumipas. Alam niyang hindi pa rin siya tanggap ng ina ni Grant. Palagi kasi itong naka-ismid sa kanya, hindi rin siya nito kinakausap. Pero ayos lang, ang importante ay hindi na ito gagawa ng bagay na ikasisira nila ng asawa niya.

Kahit hindi siya nito gusto ay sinusubukan niya gumagawa ng hakbang para magustuhan siya nito. Pinagluluto niya ito minsan, pinaghahandaan ng tea, at dinadalhan ng meryenda. Tulad ngayon, may dala siyang tray ng meryenda para rito.

Dala ang tray ng meryenda ay nilapitan na niya ito. "Ma, para po sayo." Aniya.

Katulad ng dati, hindi siya nito kinakausap. Aalis na sana siya ng mapansin niya na hindi katulad ng nakikita niya, hindi blangko ang canvas na nasa harapan nito ngayon. May nakapinta do'n na isang makamandag na ahas na naka-pinta sa letrang-S